Skip to main content

Ц.ГАЙТАВ "ТУЯАРАН БАЙГАА УЛААНБААТАР"

Туулын хөвөө уулын хөндийгөөс
Туяаран байгаа улаанбаатар минь
Өндрөөрөө тэнгэр тулж
Өргөнөөрөө тэртээ тэлж
Наранд алт шиг гялбаад
Саранд мөнгө шиг гялалзаад
Түм дахин гараа сунгаад тэвэрнэ гэсэн ч ихдэж байна
Туулын хөвөө уулын хөндийгөөс
Туяаран байгаа улаанбаатар минь!
Үүрийн улаан туяан доор
Үдшийн цагаан хаяан доор
Буурал настны минь найрсуулж
Булчинт залууёы минь хайрсуулж
Бумбагар дүүсий минь нойрсуулж
Бултын бүтээлий минь байрсуулж байна.
Сүх жанжин морьтойгоо
Сүлд далбаа нартайгаа
Сүмбэр их уул шиг байна
Сэтгэл зүтгэл хоёроороо
Итгэл бүтээл баяраараа
Ард олон маань коммунизын
Алх дөшийг давтаж байна
Бадарсан улаан очиноос нь
Сацарсан халуун илчнээс нь
Тасарч төрсөн хүний
Төрж гарсан миний
Зүрхний угт шингэсэн
Зүтгэлийн цогт ассан
Дөл байдаг тэр нь юм
Дөмөг байдаг нэр нь юм
Туулын хөвөө уулын хөндийгөөс
Туяаран байгаа улаанбаатар минь!
Өр их зүрхэндээ үлэмжийн Ленинийг залаад
Өлмий их сууриндаа халамжийн арвины нь тулаад
Энхийн салхиний илбээн доор
Эвийн санааны далбаан доор
Ази тивийн цолмон болж
Аз жаргалаар цогцож байна.
цэс:

Comments

Post a Comment

Санал болгох нийтлэлүүд

Пунцагийн Бадарч "Есөн эрдэнийн орон"

Ивээлт, нарны нь цацрал алтан эрдэнэ Ижий таны минь цацрал мөнгөн эрдэнэ Илчит улаан гал нь шүрэн эрдэнэ Идээшиж суусан гэр минь танан эрдэнэ Эрхэс наадах тэнгэр нь номин эрдэнэ Энгүй өргөн тал нь номин эрдэнэ Энх үүрийн туяа нь зэс эрдэнэ Эгэлхэн бүсгүй нь гоёл сувд эрдэнэ Эрэлхэг ард түмний нь эв ган эрдэнэ Эх орон та минь есөн эрдэнэ. 1 Эргэх их дэлхийн уул ус нь тэгшхэн Илч гэрлийн гайхамшиг мандсан нар алтан билээ Энгүй өргөн талын шимт хөрсөнд төлжиж Эрдэнийн түрүү сусруулсан амуу тариа алтан билээ Энэ сайхан монголын удам залгасан бүл Энхрий хос амрагийн дурсгалын бөгж алтан билээ Асар гэгээн нар нь алтан Ачит төрийн сүлд нь алтан, Арвайн түмэн түрүү нь алтан Амраг хосын дурсгал нь алтан, Миний эх орон алтан эрднийн билээ. 2 Саваа дүүрэн мэлтэлзэх Онон, Хэрлэнгйин урсгал Сартай шөнөөр ажихад мөнгөн хээтэй байв Саалийнхаа дээжийг өргөж, аянд хүүгээ үдсэн Санаа нь сүү эхийн, цацлын халбага мөнгөн байв Сайны ерөөл тогтоож хоёр гардан барьсан Сайхан хос з...
Post a Comment
цааш унших »

Цэвэгмэдийн Гайтав (1929-1979)

Ц.Гайтав 1929 онд Өвөрхангай аймгийн богд сумын нутагт малчны гэрт төржээ. Бага дунд сургууль, санхүү эдийн засгийн техникум, УБДС төгсжээ. Ц.гайтавын <<Шүлгүүд>>, <<Улаан туг>>, <<Гэрэлт хөшөө>>,<<Карл Маркс>>, <<Сайхан эх орон>> зэрэг шүлэг найраглалын 30 гаруй ном хэвлэгдсэн юм. Шилдэг бүтээл туурвисан учир 1961 онд БНМАУ-ын төрийн шагнал, 1967онд МЗЭ-ийн шагнал, 1971 онд МХЗЭ-ийн шагнал, 1979 онд БНМАУ-ын соёлын гавьяат зүтгэлтэн цол хүртжээ.
Post a Comment
цааш унших »

Р.Чойном "Үг"

Хэн хүнтэй үг ярина гэдэг Хэрэг дээрээ тулалдаан юм. Халуун хүйтэн ямар ч зэвсгээс Хатуу зөөлөн үг хүчтэй. Үгээр хүнийг захирч болно Үхүүлж ч болно сэхээж ч болно. Шалдлуулж, инээлгэж, уйлуулж болно. Шархлуулж бас эдгээж болно. Ярина гэдэг харин чанга дуугарахын нэр биш Яруу уран илтгэхийн нэр биш Гал шиг бадарч ус шиг урсгахын нэр биш Гагцхүү зөв сэтгэж, зөв дуугарахын нэр. Эсрэг талаа судлалгүйгээр Эхэлж тулаанд ордоггүйн адил Ярьж байгаа хүнээ мэдэлгүйгээр Ямар үг түүнд тохируулах вэ. Арслан заан шиг лут этгээдийг Ангийн калибр шиг үгээр загатнуулах ч үгүй. Танк эсэргүүцэх буу шиг хүчит үгээр бөмбөгдвөл Тарвага шиг хүнээс юу нь үлдэх вэ. Эхээс төрөхийн цорын ганцхан Эвхмэл хутга шиг яриатай хүнийг Дамаскийн илд шиг сүрт үгээр Далайсны гарз шүү дээ. Байлдааны хуягт шиг хүний урьдаас Банз мод шиг үг хэлэх Барын урдаас Балиус барьсантай ижил.
Post a Comment
цааш унших »